सणामुळे मागणी वाढल्याने सोने-चांदी चमकले

सणामुळे मागणी वाढल्याने सोने-चांदी चमकले
स्रोत: तरुण भारत
नवी दिल्ली, ३० सप्टेंबर - आशियाई बाजारातील स्थैर्य आणि देशांतर्गत बाजारात सणासुदीमुळे मागणी वाढल्याने सोने-चांदीचे दर आज वधारले होते. दिल्लीच्या सराफा बाजारात सोने २०० रुपयांनी वाढून २६,६४० वर बंद झाला. मागील दोन सत्रात सोन्याची किंमत ५७५ रुपयांनी खाली आली होती. चांदीचा भावही ८०० रुपयांनी वाढला. आज चांदी प्रतिकिलोमागे ५४,३०० रुपये या भावाने विकली गेली. मुंबईच्या सराफा बाजारातही आज सोने २५,९९५ रुपयांपर्यंत पोहोचले होते. काल याचा भाव २५,६८५ इतका होता. शुद्ध सोनेही आज २६,१२० पर्यंत वधारले होते. चांदीचा भाव प्रति किलोमागे ५१,८०० रुपये इतका होता.